Sayo’ng-Sayo na Ako

Share

Tinanong ako kanina,
“Papaano kung ako’y mag-law?”
Ang sagot ko sa kanya,
“Kung saan ka masaya, suportahan taka.”

“Paano naman kung mag-doktor ako?” ang sabi niya
“Edi lalong masaya,” sabi ko,
“Dati pa hinahangad ng Nanay
na magkaroon ng doktor sa pamilya.”

“Paano kung bigla nalang lumipat kami
Sa ibang bansa,” isinunod niya.

“Nasaan ka man,
Gagawan ko ng paraan.
Upang tayong dalawa’y
Magkasamang masaya
Kahit gaano katagal
Kahit gaano kalayo
Andito lang ako,
Sa’yong sa’yo na ako”

Ipinaliwanag ko sa kanya,
“Pero kung talagang ayaw mo…”
‘Di ko itinuloy pero ang sabi niya’y,
Sinusubukan lamang ako

Tinignan ko siya sa mga mata,
At tinanong kung “pasado naman ba?”
Akala ko’y hindi kikibo,
Pero “Mahal kita!” ang sabi niya.

“Kahit na malayo ka na
sa piling ko,” ang sabi niya

“Nasaan ka man,
Gagawan ko ng paraan
Upang tayong dalawa’y
Magkasamang masaya
Kahit gaano katagal
Kahit gaano kalayo
Andito lang ako,
Sa’yong sa’yo na ako”

Share

Leave a Comment